Embann

Levrig ar buhezour
Ul levr war bedagogiezh an dudi e brezhoneg. Kinnig obererezhioù d’ar vugale ya, met perak ? Eus ar vugale, eus an traoù zo moaien d’ober ganto, eus an ijin, eus plas ar brezhoneg e-maez ar skol hag an tiegezh zo kaoz amañ. Ar pal : krouiñ ur benveg preder ha labour evit ar vuhezourien yaouank ha kas war-raok bed an dudi e brezhoneg. Marteze e vo tabutet, pismiget war traoù ’zo ? Gwell a-se ! Gant ma vo kaset dour d’al lenn avat. Ezhomm energiezh o deus milinoù ar brezhoneg, ar buheziñ hag an deskadurezh pobl. Ul levr holl-ret e kement levraoueg desaverien divyezhek.
Testennoù : Katell Chantreau, Fanny Chauffin, Erwan Denez
Tresadennoù : Myriam Guilloux, Jean-Yves André, Christa ha Sulian Rios
Embannadur kentañ : 2004
Eil embannadur : 2015
Priz : 11€


TaolennLevrig ar buhezour
Pedagogiezh
C’hoari en dour
Geriou krennarded


Levrig an aozer hag ar rener
Ur benveg labour ha preder evit an aozerien kampoù vakañsoù hag ar renerien yaouank. Petra eo an deskadurezh pobl ? Penaos sevel ur raktres kamp vakañsoù ? Piv a c’hell bezañ rener ? Peseurt kargoù zo war chouk an aozer ha war chouk ar rener ? Penaos merañ ur budjed ? Da betra servij ur raktres desevel hag ur raktres pedagogel ? Displegañ ar pezh a lâr al lezennadur, reiñ alioù, rannañ skiant, erfin : broudañ an aozañ kampoù vakañsoù e brezhoneg, e Breizh a-bezh.
Testennoù : Katell Chantreau
Tresadennoù : Sébastien Lumineau
Embannet e 2007
Priz : 11€


Taolenn Levrig an aozer hag ar rener
Istor an dudi hag an deskadurezh pobl
Ar raktres desevel
Sevel ur skipailh

Evit urzhiañ al levrioù meneget dindan, kasit ho chomlec’h asambles gant ur chekenn war anv an UBAPAR (11€ dre levr + 2€ mizioù kas) da : UBAPAR, Kerilio, 29100 Pouldregad. Resevet e vo ho levrioù ganeoc’h un nebeud deizioù goude.

Fichennoù talvoudus evit aozañ ur c’hamp vakañsoù :